sheeko Gaaban

Qaybta 3: Cigaal iyo Booliska

Maalin kale ayuu go’aansaday inuu isticmaalo taleefankiisa si uu lacag u diro. Wiil uu garanayo oo ku nool Baydhabo ayuu doonayay inuu u diro lacag.

Wuxuu galay app la yiraahdo “EVC Plus.”

Hase yeeshee, halkii uu lacag dirilaha ahaa, wuxuu riixay “Request Money.”

Wiilka Baydhabo joogay ayaa arkay fariin:

“Cigaal Shidaad wants 500,000 so.”

Wiilkii wuxuu u maleeyay in adeerkiis uu dhiban yahay, markaasna wuxuu u soo diray lacagta!

Markii Cigaal arkay lacagtii oo soo gashay, wuxuu yiri:

“Alla yaa mahad leh! Tani waa lacag diriskii ugu fudud ee noloshayda. Talo iyo taako toona ma bixin!”

Laakiin maalintii xigtay, boolis ayaa yimid isagoo leh:

“Adiga ma adigaa Cigaal Shidaad? Waxaa naloo sheegay inaad lacag dad ka qaadatay.”

Cigaal qosol ayuu la dhacay:

“Waar anigu lacag ma qaadin, telefoonka ayaa isii diray! Wuxuu i yiri, ‘ma rabtaa lacag?’ Aniguna waan aqbalay.”

Booliskii ayaa qoslay, wuxuuna yiri:

“Waa nin xikmad badan, laakiin telefoonka ma yaqaan.”

Qaybta 4: Xikmaddii Cigaal

Markii arrinta la xaliyay, waxaa la baray sida taleefanka loo isticmaalo.

Muddo kadib, Cigaal wuxuu noqday nin dadka kale u baro sida internet-ka iyo lacagta dijitaalka ah loo isticmaalo.

Mar ayaa wariye wareystay isagoo weydiiyay:

“Cigaalow, sidee ayaad u baratay tignoolajiyada cusub?”

Cigaal wuxuu ku jawaabay:

“Anigu waxba ma baran, laakiin waxaan ogaaday in caqligu yahay sidii battery — haddii aadan ku dallacin aqoon, wuu kaa dhammaanayaa.”

Wuxuu raaciyey:

“Marka, qofka maanta aan wax baran, waa sidii nin telefoonkiisa ‘offline’ ah.”

Wariyihii qoslay, wuxuuna yiri:

“Waa run, adeer Cigaal.”

Lasoco qeybta 6: ee sheekadii cigaal shidaad